مەزڵوم كۆبانی، فەرماندەی گشتی هێزەكانی سوریای دیموكرات(هەسەدە) رایگەیاند، دەبێت ئەمریكاو روسیا پابەندبن بە بەڵێنەكانیان لەپەیوەست بە رێگریكردن لەئەنجامدانی گۆڕینی دیموگرافی لە شارەكانی سەرێكانی و گرێسپی لە رۆژئاوای كوردستان.

ئاوێنە: مەزڵوم كۆبانی، ئەمڕۆ پێنجشەممە، لە تویتێكدا رایگەیاند، دەبێت هاوپەیمانی نێودەوڵەتی، ویلایەتە یەكگرتوەكانی ئەمریكاو روسیا پابەندبن بە بەڵێنەكانیان لەپەیوەست بە رێگریكردن لە گۆڕینی دیموگرافی لە شارەكانی سەرێكانی و گرێسپی.

وتوشیەتی"مایك پێنس، جێگری سەرۆكی ئەمریكاو مایك پۆمپیۆ، وەزیری دەرەوەی ئەمریكا جەختیان لەسەر گەڕانەوەی پارێزراوی ئاوارەكان بۆ سەر ماڵ و حاڵی خۆیان كردۆتەوە بەبێ ئەوەی روبەڕوی ئەگەری مەترسی ببنەوە لەلایەن گروپە توندڕەوەكانەوە."

ئەوەشی خستۆتەڕو"چاوەڕێین ئەو لایەنانەی ناومان بردون پابەندبن بە بەڵێنەكانیانەوە."

على التحالف الدولي،الولايات المتحدة وروسيا الالتزام بتعهداتهم فيما يتعلق بمنع التغيير الديمغرافي في سري كانيه وتل ابيض.
السيدان بينس وبومبيو أكدا على عودة آمنة للنازحين إلى ديارهم دون أن يتعرضوا لمخاطر محتملة من قبل الجماعات المتطرفة.
نتطلع أن تفي الأطراف المذكورة بالتزاماتها.

— Mazloum Abdî مظلوم عبدي (@MazloumAbdi) November 7, 2019