حەمەد ركابی، وتەبێژی هاوپەیمانی سائیرون لە پەرلەمانی عێراق، ئەمڕۆ
یەكشەممە رایگەیاند، بەردەوامن لەگرتنەبەری رێكارەكانی بانگهێشتكردنی عادل عەبدولمەهدی،
سەرۆك وەزیران بۆ پەرلەمان.
ئاوێنە: حەمەد ركابی، لە لێدوانێكدا بە "سومەریە نیوز"ی
راگەیاند"كوتلەی هاوپەیمانی سائیرون لە پەرلەمان بەوپەڕی راشكاوی رایدەگەیەنێت
كە بەردەوامە گرتنەبەری رێكارەكانی بانگهێشتكردنی سەرۆك وەزیران بۆ پەرلەمان بەپێی
چوارچێوە دەستوری و یاساییەكان و لەچوارچێوەی پەیڕەوی ناوخۆی پەرلەماندا."
ئەوەشی وتوە"هەڵوێستەكەمان لەسەر بنەمای گونجانە لەگەڵ
بەرژەوەندییەكان گەل و داخوازییە رەواكانی خۆپیشاندەراندا و ناكرێت هیچ سازشێك
لەسەر جێگیرە نیشتمانی و مرۆییەكان بكەین."