ئافره‌تێك به‌فیشه‌ك له‌لایه‌ن هاوسه‌ره‌كه‌یه‌وه‌ برینداركرا
  2019-11-11       455       

به‌رێوه‌به‌رایه‌تى پۆلیسى راپه‌رین بڵاوی كرده‌وه‌ كه‌ئافره‌تێك  لە ماڵەڪەی خۆی لە ناحیەی حاجیاوا بەهۆی بەرکەوتنی فیشەک لە لایەن هاوسەرەڪەیەوە بریندارکرا.

ئاوێنه‌: پۆلیسی راپه‌رین رایده‌گه‌ێنێت، دوای ڕووداوی تەقە ڪردنەڪە دەست بەجێ هێزەڪانمان لە بنڪەی پۆلیسی ماڪۆك گەیشتنە شوێنی ڕووداوەڪە، بریندارە ڪە بەڕێڪرا بۆنەخۆشخانە گەشتی ڕانیە و دوای چارەسەری پێویست لە نەخۆشخانە گەڕایەوە ماڵەوە.

پۆلیسى راپه‌رین ده‌شڵێت ، ڕێکاری یاسایی گیرایەبەر و بە وتەی ئافره‌ته‌كه‌ ڕوداوەکە لەکاتێکدابووە لەماڵەکەی خۆیان لەگەڵ هاوسەرەکەی لەسەر کێشەیەکی نێوان خۆیان لێیان بووە بە دەمەقاڵێ و هاوسەرەکەی دوو فیشەکی تەقاندوە بەر دەستی ئافره‌ته‌كه‌ى  کەوتووە.

له‌كۆتادا رایده‌گه‌یه‌نن مەلەفی لێکۆڵینەوە بۆ ڕوداوەکە کرایەوە ،  دوای ڕوداوی تەقەکردنەکە هاوسەری ئافره‌ته‌كه‌ خۆی ڕادەستی هێزەکانمان لە بنکەی پۆلیسی ماکۆک کرد. ئافره‌ت و مێردەکەش تەمەنیان لەسەروی هەژدەساڵە و دانیشتوی ناحیەی حاجیاوان.

له‌كۆتادا پۆلیس رایده‌گه‌ێنێت، بە بڕیاری دادوەر هاوسەری ئافره‌ته‌كه‌ بە پێی مادەی 31/405 لە یاسای سزادانی عێڕاقی ڕاگیرا و لێکۆڵینەوە لە ڕوداوەکە بەردەوامە.
زۆرترین بینراو
© 2018 Awene Online, Inc. All Rights Reserved.
×