2019-11-12 474
مایك پۆمپیۆ، عادل عەبدولمەهدی
وەزیری دەرەوەی ئەمریكا ئیدانه‌ی سه‌ركوتكردنی خۆپیشانده‌رانی عێراق ده‌كات‌و نیگەرانی خۆشی سەبارەت بەبه‌رزبونه‌وه‌ی ژمارەی كوژراوانی خۆپیشاندانەكان به‌عادل عه‌بدولمه‌هدی ده‌گه‌یه‌نێت.
ئاوێنه: ئەمڕۆ سێشەممە، عادل عەبدولمەهدی، سەرۆك وەزیرانی عێراق‌و مایك پۆمپیۆ، وەزیری دەرەوەی ویلایەتە یەكگرتوەكانی ئەمریكا پەیوەندیەكی تەلەفۆنیان ئەنجامدا.
له‌په‌یوه‌ندییه‌كه‌دا پۆمپیۆ ئیدانه‌ی سه‌ركوتكردنی خۆپیشانده‌رانی عێراق كردوه‌و نیگەرانی خۆشی سەبارەت بەبه‌رزبونه‌وه‌ی ژمارەی كوژراوانی خۆپیشاندانەكان ده‌ربڕیوه.
مایك پۆمپیۆ جەختی كردۆتەوە كه لەسەر ئەوەی كە خۆپیشاندانی ئاشتیانە بنەمایەكی سەرەكییە لەهەمو سیستمە دیموكراسیەكاندا.
وەزیری دەرەوەی ئەمریكا بەعادل عەبدولمەهدی ڕاگه‌یاندووه كه پێویستە دەستبەجێ هەنگاوی جددی بنێت بۆ چارەسەركردنی داواكارییە رەواكانی خۆپیشاندەران‌و لەرێگەی ئه‌نجامدانی چاكسازیی‌و روبه‌روبونه‌وه‌ی گەندەڵی.