شەوی رابردو تەقینەوەیەك لە ناوەندی گومرگی سەرێكانی لە رۆژئاوای كوردستان كە لەلایەن میلیشیاكانی سەربە توركیاوە كراوەتە بارەگا، تەقینەوەیەك رویداو لەئەنجامدانی 15 چەكداری میلیشیاكان كوژران و ژمارەیەكی دیكەش برینداربون.
ئاوێنە: بەپێی هەواڵێكی ئاژانسی هاوار نیوز، شەوی رابردو لە ناوەندی گومرگی سەرێكانی كە لەلایەن گروپی "سوڵتان موراد"ی سەربە توركیاوە كراوەتە بارەگا تەقینەوەیەكی گەورە ریداوە.
تەقینەوەكە بەهۆی دروستبونی شەڕ بوە لەنێو چەكدارانی ئەو گروپەدا لەسەر ئەو سوتەمەنییەی دزیویانە كە لە ئاكامدا شەڕە تەقەی لێكەوتۆتەوەو تانكی سوتەمەنییەكە سوتاوە.
بەپێی زانیارییەكان لەئەنجامی تەقینەوەكە 15 چەكداری ئەو گروپە كوژراون و ژمارەیەكی دیكەش بریندار بون.