2019-11-17   1311     
خۆپيشاندەرانى دژ بە گرانکردنى نرخى بەنزين لە شيراز دوو بەنزينخانە و دوو ئۆتۆمبێلى پۆليسيان سووتاند.
ئاوێنه: لە سەرچاوە خۆجێیەکانەوە بڵاوکرایهوه، بەهۆى گرانكردنى نرخى بەنزينەوە دوێنى خۆپيشاندان و ناڕەزايەتى هاووڵاتييان لە پارێزگاكانی تاران، فارس، ئازەربايجانى رۆژهەڵات، ئازەربايجانى رۆژئاوا، ئەسفەهان، مازەندەران، كوردستان، خوراسان رهزهویی و تەواوى وڵاتەكە بەردەوامە.
هاوکات لە هەواڵێكى تەلەڤزيۆنى فەرمیى حكوومەتى ئێراندا هاتووە، لە شيراز خۆپيشاندەران دوو بەنزينخانە و دوو ئۆتۆمبێلى پۆليسيان سووتاندووە. جگە لەوەش شەقامە سەرەكييەكانيان داخستووە و زيانيان گەياندووە بە باڵەخانە حكوومييەكان، كامێراكانى چاودێریى، ئۆتۆمبێلەكانى ئاگركوژێنەوە و ئۆتۆمبێلەكانى ناوچەكە.
لەلايەكى ديكەوە خۆپيشاندەران سەرجەم رێگاكانى هاتن و چوونيان بۆ تارانى پايتەخت داخست و له ناوچەى تارانپارس لقى بانكێكيان سوتاند و بەهۆى گرانکردنى نرخى بەنزينەوە ناڕەزايەتیيان دەربڕيووە بەڵام ئەوەى جێگەى سەرنجە ماوە ماوە دروشمى دژ بە رژێم بەرز دەکەنەوە و لەگەڵ هێزە ئەمنييەكاندا گرژیى و ئاڵۆزیى دهكهوێته نێوانیانهوه.