سەرۆك وەزیرانی عێراق ئەمڕۆ دوشەممە جەختی
كردەوە كە ئەولەویەتی بەرنامەی حكومەتەكەی پاراستنی مافی هەمو عێراقییەكانە لە
سایەی سەروەری یاساو ئاسایشدا و دوپاتیشیكردەوە، هیچ قەوارەیەكی نایاسایی و هیچ
چەكێك بەدەستێك لە دەرەوەی دەوڵەت قبوڵ ناكرێت.
ئاوێنە: عادل عەبدولمەهدی، لەوتەیەكدا لە
زانكۆی بەرگری بۆ توێژینەوە سەربازییەكان رایگەیاند، بەرنامە حكومییەكەمان رون و
دیاریكراوە لە ئامانجەكانیدا بۆ دژایەتیكردنی تیرۆر و بونی چەك تەنها لەكۆنترۆڵی
دەوڵەتدا و پشتیوانیكردنی هێزە چەكدارەكان و رێكخستنی پەیوەندییەكانی دەرەوە لەگەڵ
تەوای وڵاتانی دراوسێ بەپێی هاوبەشییەكان و لەپێناو خزمەتی ئاسایش و ئارامی و
پەرەپێدانی ئابوریدا.
وتیشی"هیچ
بژاردەیەك نییە جگە لە پشتیوانیكردنی هێزە چەكدارەكان، ناكرێت هیچ قەوارەیەكی
نایاسایی یاخود هیچ چەك بەدەستێك لەدەرەوەی شەرعیەتی دەوڵەت قبوڵ بكرێت."