٣٢ منداڵی روسی لەبەغداوە گەڕێندرانەوە بۆ مۆسکۆ
  2019-11-19       735       

٣٢ منداڵی روسی کە دایک‌و باوکیان پێستر پەیوەندییان بەچەکدارانی داعشەوە کردبو، لەخانەی منداڵان‌و زینداندا ژیانیان بەسەردەبرد، لەبەغداوە بەفڕۆکەیەکی تایبەت بۆ مۆسکۆ گواسترانەوە.

 

ئاوێنە: بەپێی هەواڵی ئیسکا نیوزی روسی ئەم ٣٢ منداڵە روسییە ئێوارەی دوشەممە لەڕێگەی فڕۆکەخانەی بەغداوە گواستراونەتەوە بۆ روسیاو چەند کارمەندێکی روسیشیان لەگەڵ بوە.

ئەم منداڵانە تەمەنیان لەنێوان ١ بۆ ٩ ساڵدایەو هەمویان لەزیندان‌و خانەی منداڵانی بەغدا بون، پاش گەیشنیان بەمۆسکۆ دەدرێن بەچەند خێزانێکی روسی بۆ ئەوەی سەرپەرشتیان بکەن.

لەساڵی ٢٠١٨ەوە تا ئێستا روسیا ١٠٠ مندالی لەعێراقەوە گەڕاندوەتەوە بۆ روسیا.

زۆرترین بینراو
© 2024 Awene Online, Inc. All Rights Reserved.
×