بەرێوەبەرایەتی گشتی كەشناسیو بومەلەرزەزانی هەرێمی كوردستان رایدەگەیەنێت سبەینێ لە کاتەکانی درەنگدا نزمە پاڵە پەستۆی لاوازی دەریای سوور کار دەکاتە سەر باشوری كوردستانو کاریگەری ئەم نزمە پاڵە پەستۆیە لە ئێوارەی رۆژی پێنج شەم تاکو ئێوارەی رۆژی یەک شەممە بە لاوازی کار دەکاتە سەر کەشی ناوچەکە.
ئاوێنە: ئەمرۆ "چوار شەممە" بەرێوەبەرایەتی گشتی كەشناسیو بومەلەرزەزانی هەرێمی كوردستان پیشبینی خۆی بۆ كەشو هەوای شارەكانی باشوری كوردستان ئاشكراكردو دەڵێت " لەم ماوەیەدا نمە بارانی پچڕ پچڕ و مامناوەند لە ناوچە جیاجیاکانی هەرێم دەبارێت و بەفریش لە ناوچە شاخاویە سنوریەکان دەبارێت بە تایبەتی شەوی شەممە لەسەر یەک شەممە، هەندێ جار لە کاتی باران هەورە تریشقەی لەگەڵ دەبێت و پلەکانی گەرماش روو لە نزم بوونەوە دەکات".
كەشناسی هەرێم رایدەگەیەنێت ئاستی بارانی پێشبینیکراو لە سەنتەری پارێزگاکان لە نێوان 8-17ملم دەبێت و لە ناوچە شاخاویەکان لە نێوان 15-25ملم دەبێت لە ماوەی کاریگەری ئەم شەپۆلەی رو دەكاتە ناوچەكانی باشوری كوردستان.