پشتیوان سادق: هەركات بەغدا پارەی پێویستی نارد پاشەكەوتی موچە هەڵدەگیرێت
  2019-02-07       332       

پشتیوان سادق، وەزیری پەروەردەی حكومەتی هەرێمی كوردستان رایدەگەیەنێت زیاتر لە 500 قوتابخانە پێویستیان بە نۆژەنكردنەوە هەیە، لەبارەی هەڵگرتنی پاشەكەوتی موچەی مامۆستایانیشەوە ئاماژەبەوە دەكات هەركات بەغدا پارەی پێویستی نارد پاشەكەوتی موچە هەڵدەگیرێت.


ئاوێنە: پشتیوان سادق، وەزیری پەروەردەی حكومەتی هەرێمی كوردستان رایدەگەیەنێت لەئەگەری باشبونی بودجەی هەرێم پلان هەیە كە حكومەتی هەرێم پارەی تایبەت بۆ نۆژەنكردنەوەی قوتابخانەكان تەرخان بكات، ئەو وتی "زۆر جار لەراگەیاندنەكان قوتابخانەیەك نیشان دەدرێت كە دیوارێكی درزی بردوە، بۆیە من بە راگەیاندنەكان دەڵێم خۆیان ماندو نەكەن چونكە زیاتر لە 500 قوتابخانە پێویستیان بە نۆژەنكردنەوەی بە پەلە هەیە".


باس لەوەش دەكات بۆ نۆژەنكردنەوە‌و دروستكردنی قوتابخانەكان پێویستیان بە بری زیاتر لە یەك ملیار‌و 500 ملیۆن دینار هەیە، ئاماژەبەوەش دەكات بارودۆخی سیاسی‌و ئابوری هەرێمی كوردستان بەرەو باشی دەروات، ئەو وتی "ئەو پارەیەی بریارە لەبەغداوە بۆ هەرێمی كوردستان بێت، بێت پاشەكەوتی موچە نامێنێت".


زۆرترین بینراو
© 2018 Awene Online, Inc. All Rights Reserved.
×