2019-02-08   886     
ئیلهام ئەحمەد، هاوسەرۆکی ئەنجومەنی سوریای دیموکرات -ههسهده-
هاوسەرۆکی ههسهده پێیوایه، ئەگەر کشانەوهی سوپای ئهمریكا لهسوریا کتوپڕ بێت ئەوا کێشەی زۆر دروستدەکاتو رۆژئاوای کوردستانو ناوچەکانی دیکە روبەڕوی هەڕەشەی زیاتری هێزە دەرەکییەکان دەبنەوە.
ئاوێنه: ئیلهام ئەحمەد، هاوسەرۆکی ئەنجومەنی سوریای دیموکرات -ههسهده- باس لهپرسی كشانهوهی سوپای ئهمریكا دهكات لهسوریاو دهڵێت، ئەگەر کشانەوەکە کتوپڕ بێت، ئەوا کێشەی زۆر دروستدەکات، رۆژئاوای کوردستانو ناوچەکانی دیکەی ژێر دەسەڵاتی هەسەدە روبەڕوی هەڕەشەی زیاتری هێزە دەرەکییەکان دەبنەوە.
ئاماژه بۆ ئهوهش دهكات كه مانەوەی ژمارەیەکی کەم سەربازی ئەمریکی لەرۆژئاوای کوردستانو ناوچەکانی دیکەی باکورو رۆژهەڵاتی سوریا گرنگە، چونکە ئەگەر بەشێوەیەکی سیمبولی سەیری ئەو مانەوەیە بکرێت واتایەکی گەورەی هەیە.
بهبۆچونی ئیلهام ئەحمەد، لەروی تەکنیکیشەوە مانهوهی ژمارهیهك سهربازی سوپای ئهمریكا دەتوانێت زانیاری گرنگی هەواڵگری پێشکەش بکەنو هاریکاریش بن بۆ نەهێشتنی شانە نوستووەکانی داعش.