لەپرۆژەی گوندی لانستی لەقەزای کەلار دوکرێکار خەڵکی ڕۆژئاوا گیانیان لەدەست دا کەبەمەبەستی کارکردن هاتبونە گەرمیان پۆلیسی گەرمیان ئاماژە بەوەدەکات"گومان دەکرێت مۆلیدە لەژوورەکەیان کاریکردبێت و بەهۆی غازی مۆلیدەوە گیانیان لەدەست دابێت ".
ئاوێنە،ئەیاد محمد لەڕاگەیەنراوێکدا پۆلیسی گەرمیان ڕایگەیاند بەیانی ئەمڕۆ (دووشەمە) ئاگادارکراینەوەلەحاڵەتی مردنی دوو کرێکار لە گوندی لانستی کەپرۆژەیەکی نوێیە لەقەزای کەلار، پشت زانکۆی گەرمیان دوای گەشتنی مەفرەزەکانی 104ی کەلارو پۆلیسی نەهێشتنی تاوان بەپێی لێکۆڵینەوەسەرەتاییەکان گومان دەکرێت مۆلیدە لەژوورەکەیان کاریکردبێت و بەهۆی غازی مۆلیدەوە گیانیان لەدەست دابێت".
ئەوەشیان ئاشکراکردوە:" ئەو دوکرێکارەی گیانیان لەدەستداوە ئاوارەی (سوریان)بەمەبەستی کارکردن ڕویان لەسنووری گەرمیان کردووە لەئێستادا بەمەبەستی بشکنین تەرمەکانیان ڕەوانەی پزیشکی دادوەری سلێمانی کراوەو پۆلیس دەستی بەلێکۆڵینەوە کردوە لەسەرهۆکاری گیان لەدەستدانیان.
بەپێی زانیاریەکانی ئاوێنە ئەو دوکەسەی گیانیان لەدەستداوە دانیشتوی کەمپی باریکەن و هەردوکیان ئامۆزای یەکترن.