هێزەکانی پێشمەرگە لە دو سەنگەری نێوان قەزای کفری و قەزای دوزخورماتو جێگیر بون فەرماندەیەکی پێشمەرگە ئاماژە بۆ ئەوەدەکات "بۆ پاراستنی ناوچکەیە لەچەکدارانی داعش و جمو جوڵەکانیان".
ئاوێنە، ئەیاد موحەمەد: حاجی عوسمان فەرماندەی لیوای 136 هێزی پێشمەرگە بەئاوێنەی ڕاگەیاند بەیانی ئەمڕۆ هێزی پێشمەرگە ڕۆشتونەتە ئەو ڕەبایانەو ئێستە پێشمەرگەی تێدایە، وتیشی" لیژنەی هاوبەشمان لێکۆڵینەوە دەکەن و ئەگەڕێن تاکو بزانن بۆشای نێوان هێزی پێشمەرگەو هێزی عێراق لەکوێ دایە هەتاوەکو هێزی هاوبەشیان بۆدروست بکەن بۆڕێگەگرتن لەچەتەی داعش و جموجوڵیان".
فەرماندەکەی پێشمەرگە ئاشکراشیکرد ئێستا هێزی پێشمەرگە لەتەنیشت پردی قۆری چاییە پردەکەی قۆری چای جەیشی عێراقی تێدایە ئەم دیوی پێشمەرگەی تێدایە".
پێشتر ئاوێنە بڵاوکردوە کە هێزەکانی وەزارەتی پێشمەرگەو عێراق کۆبونەوەیان ئەنجام داوە بۆ دروستکردنی هێزی هاوبەش بۆناوچە جێناکۆکەکان و لیژنەیان پێک هێناوە بەڵام لیژنەکان بەشێوەیەکی چالاک دەستیان بەئیش نەکردوە.