شیرین بۆ کاوە: چی لەوە پیرۆرزترە کە بەسادەی ژیایی بەڵام بەگەورەی مردیت
  2019-12-04       1625       
شیرین ئەمین هاوسەری شەهیدی قەڵەم کاوە گەرمیانی نوسینێکی خەمگینی بۆ مەرگی هاوسەرەکەی بڵاوکردۆتەوه‌، ئه‌و دەڵێت ''چی لەوە پیرۆرزترە کە بەسادەی ژیایی بەڵام بەگەورەی مردیت''.

ئاوێنه‌: شیرین ئەمین لەنوسینێکدا بەناوی کۆشکەکەی کاوە گەرمیانی نوسیویەتی "ئالەم کۆشکەدا ھەموشەوێک تا بەیانی عیشق ئاوازی بۆ خۆشەویستیمان دەچڕی ڕۆژ تا ئێوارە وشەمان دەکردە دەستە گوڵی بەھارو لەیەخەی یەکترمان دەدا، دەزانن سەختی ژیان ئێمەی لە ئومێدی گێڕانەوەی چیرۆک بۆ ئامەد وەڕس نەکردبوو''.

شیرین پرسیاری ئەوەی کردوە "ئەرێ کاوە نەیدەتوانی نان بەڕوماپای پەیدابکات ؟
بەپیاھەڵدان بەسەرپەژنی بەرپرسان بەپاروی چەور ئامەد گەورەبکات؟.

شیرین ئەمین باسی ئەوەشیکردوە "کاوە گەرمیانی پاک ژیا لەنێو تاکە ژورێکی وێران وپەنجەرە ڕزیو دەیاھا ھەواڵی دەگەیاندە میدیاکان، پەردەڕەشەکانی سەرژیانی جەلادەکانی ھەڵ دەدایەوە، ماسکی ڕوی بەرپرسانی سەردەمی شاخ وپاڵەوانی ئەمڕۆ لە کاری مافیای لوشدانی سامان بەنوکی قەڵەم ھەڵ دەدایەوە.

لەکۆتایدا دەڵێت "ئازیزی من دەبێت چ لەوە پیرۆزتر بێت کە بەسادەی ژیایی، بەڵام بەگەورەی مردیت.. پیرۆزت بێت تاجی پادشایەتی قەڵەمەکان، دەک ڕسوابن جەلادو خوێنی مژانی دەنگ و ڕەنگی ئازادی خوزان.

سبەینێ شەش ساڵ بەسەر تیرۆرکردنی کاوە گەرمیانیدا تێپەردەبێت وبڕیارە رێورەسمێک بۆ یادکردنەوەی تیرۆرکردنەکەی ئەنجامبدرێت.
زۆرترین بینراو
فاتمە، خۆشەویستەکەی ئۆجەلان کێ بو؟ بۆچی پەکەکە حوکمی لەسێدارەدانی بەسەردا سەپاند؟
ئاسایش: بڵاوەپێکردنی هێز لەسەنتەری شاری‌ هەولێر لەچوارچێوەی ڕێکارەکانی بەرەنگاربونەوەی کۆرۆنادایە
ئینفۆگرافیك.. ئه‌و وڵاتانه‌ی‌ زۆرترین یه‌ده‌گی‌ زێڕیان هه‌یه‌
یەرەکە: لەهێرشەکەی توركیا لەگوندی "سەفرە"ی شارباژێڕ دو گەریلاو سێ وڵاتپارێز شەهیدبون
پەرلەمانتارێكی پارتی: ئێمەو یەكێتی لە بەغدا دەنگ بە كاندیدەكانی یەكدی دەدەین
مەسرور بارزانی "هەندێك لایەن" تۆمەتبار دەكات بە "بێنرخ" نیشاندانی رێنماییە تەندروستییەكان
سۆران عومەر: ئەوەی ئێوە پێی دەڵێن سەقامگیری بەرهەمی تۆقاندن و برسیكردنەو دەبێ تێكبدرێ
به‌غدا بڕی 400 ملیار دینار بۆ موچه‌ی فه‌رمانبه‌ران ره‌وانی هه‌رێم ده‌كات
پارێزگاری سلێمانی: لەبری قەدەغەی هاتووچۆ، لێپچینەوەكان توندتر ‌و زیاتر دەكەین
"پارتی بڕیاریداوە لەکۆتایی ئەمساڵدا چوارده‌مین کۆنگرەی خۆی لەدھۆك ببەستێت"
© 2020 Awene Online, Inc. All Rights Reserved.
×