پەرلەمانی عێراق لەكۆبونەوەدایەو دەستی كردوە بە دەنگدان لەسەر پڕۆژە یاسای كۆمسیۆنی باڵای هەڵبژاردنەكان و چەند ماددەیەكی پڕۆژەكەی پەسەندكردوەو هەروەها دەنگیشی دا لەسەر پێشنیارێك سەبارەت بە ناوی ئەندامانی كۆمسیۆنی باڵای سەربەخۆی هەڵبژاردنەكان.
ئاوێنە: ئێوارەی ئەمڕۆ پێشنجەممە، پەرلەمانی عێراق بۆ پەسەندكردنی یاسای كۆمسیۆنی باڵای سەربەخۆی هەڵبژاردنەكانی كۆبونەوەی خۆی بەسەرۆكایەتی محەمەد حەلبوسی دەستپێكرد.
بەپێی میدیای عێراقییەكان تا ئێستا چوار ماددەی سەرەتای یاساكەی پەسەندكردوە.
هەروەك لە دانیشتنەكەدا، پەرلەمان دەنگی لەسەر پێشنیارێك سەبارەت بە ناوی ئەندامانی كۆمسیۆنی باڵای سەربەخۆی هەڵبژاردنەكان داوە كە دیاریكراون.
بەگوێرەی زانیارییەكان دەقی پێشنیارەكە ئاماژە بە ناردنی ناوەكان بۆ سەرۆكایەتی كۆمار دەكات بۆ پەسەندكردنیان و دەركردنی مەرسومی كۆماری بۆیان لەماوەی تەنها 15 رۆژدا دەكات.