لەئەنجامی تەقینەوەی سیستمی غازی هۆڵێك لەكاتی بەڕێوەچونی ئاهەنگێكی
هاوسەرگیریدا لە شاری سەقزی رۆژهەڵاتی كوردستان 11 كەس گیانیان لە دەستداو 38
كەسیش بریندار بون.
ئاوێنە: شەوی
رابردو لە هۆڵی "مانگەشەو"ی شاری سەقز لەكاتی بەڕێوەچونی ئاهەنگێكی
هاوسەرگیریدا، كێشە لە سیستمی غازی هۆڵەكەدا دروست دەبێت بەو هۆیەوە تەقینەوە
رودەدات و 11 كەس گیان لەدەست دەدەن كە بەپێی قسەی حسێن خۆش ئیقباڵ، یاریدەدەری
سیاسی و ئەمنی و كۆمەڵایەتی پارێزگای سنە، پێنج لەوانەی گیانیان لەدەستداوە منداڵن
و پێنجی دیكەشیان ژنن و كەسەكەی دیكەش پیاوە.
هێمای بۆ ئەوەش كردوە كە هەر لەو روداوەدا
38 كەسی دیكەش بریندار بون كە روانەی نەخۆشخانە كراون بە مەبەستی وەرگرتنی
چارەسەر.