باڵیۆزخانەی
ئەمریكا لەبەغدا هۆشداری دەداتە هاوڵاتیانی وڵاتەكەی كە خۆیان بەدوربگرن لەو
شوێنانەی خۆپیشاندانی تێدا بەڕێوەدەچێت لە بەغداو شارەكانی دیكەی عێراق چونكە چاوەڕواندەكرێت
لەسبەی سێشەممەوە قەبارەی خۆپیشاندانەكان زیاتر ببێت.
ئاوێنە:
باڵیۆزخانەكە ئێوارەی ئەمڕۆ دوشەممە، لە هۆشدارییەكدا سەبارەت بە خۆپیشاندانەكانی
عێراق رایگەیاندوە، بەپێی زانیارییەكان چاوەڕوان دەكرێت لە سبەی سێشەممە قەبارەی
خۆپیشاندانەكان لە بەغداو شارەكانی دیكەی ناوەڕاست و باشوری عێراق زیاتر ببێت و
سەرۆك وەزیرانی عێراقیش سبەی كردۆتە پشوی رەسمی بە بۆنەی ساڵیادی تێكشكاندنی
داعشەوە.
باڵیۆزخانەی
ئەمریكا داواشی لەهاوڵاتیانی وڵاتەكەی كردوە كە گەشت بۆ عێراق نەكەن و ئەوانەشی لە
عێراق خۆیان بەدور بگرن لەو شوێنانەی كە خۆپیشاندانی تێدا بەڕێوەدەچێت و هەروەها
چاودێری دەزگاكانی راگەیاندنی ناوخۆ بكەن بۆ ئاگاداربون لە دوایین هەواڵەكان.