هێزەكانی رزگاریی عەفرین كوژرانی نۆ چەكداری میلیشیاكانی سەربە توركیای لە
چەند چالاكییەكی شەڕڤاناندا لە عەفرین و ئیعزاز راگەیاند.
ئاوێنە: هێزەكانی رزگاریی عەفرین، ئەمڕۆ چوارشەممە، لەبەیاننامەیەكدا
رایگەیاند، هێزەكانیان رۆژی 8ی ئەم مانگە لەنێوان گوندی "مەیدانكێ" و "گەرمك"
لەناحیەی "شەرا"ی سەربە عەفرین، گروپی "سوڵتان موراد"ی
میلیشیاكانی سەربە توركیایان كردۆتە ئامانج و تێیدا سێ چەكداری ئەو گروپە كوژراون.
هێمای بۆ ئەوەش كردوە كە هەمان رۆژ هێزەكانیان لە نێوان هەردو گوندی "برادی"
و "كەفرنەبو" لە ناحیەی "شێراوا"ی سەربە عەفرین چەكدارانی
گروپی "فەیلەقی شام"ی میلیشیاكانی سەربە توركیایان كردۆتە ئامانج و
لەئاكامدا چەكدارێكی گروپەكە كوژراوەو یەكێكی دیكەش بریندار بوە.
بەیاننامەكەی
ئەوەشی خستۆتەڕو كە رۆژی 9ی ئەم مانگە هێزەكانیان لە دەوروبەری شاری ئیعزاز، گروپی
"حەمزە"ی میلیشیاكانی سەربە توركیایان كردۆتە ئامانج و لەئەنجامدا پێنج
چەكداری ئەو گروپە كوژراون.