لەئەنجامی تەقینەوەی ئۆتۆمبێلێكی بۆمبڕێژكراو بە هێزێكی حەشدی شەعبیدا لە
سامەڕا، حەوت چەكداری هێزەكە كوژران و سێ چەكداری دیكەش بریندار بون.
ئاوێنە: سەفا تەمیمی، وتەبێژی هێزەكانی سەرایا سەلام لە كەرتی سامەرا،
رایگەیاند، ئێوارەی ئەمڕۆ پێنجشەممە، خوكوژێك بە ئۆتۆمبێلەكەیەوە هێزێكی حەشدی
شەعبی كردۆتە ئامانج و لەئاكامدا حەوت چەكداری هێزەكە كوژراون كە هەمویان خەڵكی
ناسریەن.
لەلای خۆیشییەوە شانەی راگەیاندنی ئەمنی عێراق لەبەیاننامەیەكدا رایگەیاند،
تیرۆریستێكی خۆكوژ كە ئۆتۆمبێلێكی بۆمبڕێژكراوی لێخوڕیوە هێزێكی حەشدی شەعبی لە
سامەڕا كردۆتەوە ئامانج و لەئەنجامدا حەوت چەكداری
هێزەكە كوژراون و سێ چەكداری دیكەش برینداربون.