كەشناسی هەرێم باری كەشوهەوای ئەمڕۆ(شەممە)و سبەی(یەكشەممە)ی شارەكانی باشوری كوردستانی بڵاوكردەوەو دەڵێت، ئاسمان هەورو نیمچە هەور دەبێت لەگەڵ بارینی نمەباران لە كات و شوێنی جیاجیادا.
ئاوێنە: بەڕێوەبەرایەتی گشتی كەشناسی و بومەلەرزەزانی هەرێمی كوردستان لەڕاگەیەندراوێكدا بڵاویكردەوە، ئاسمانی ئەمڕۆی سلێمانی و كەركوك هەورو نیمچە هەور دەبێت و هەرچی ئاسمانی هەولێرو دهۆك هەوری تەواو دەبێت لەگەڵ بارینی نمە باران.
سەبارەت بە كەشوهەوای سبەینێش كەشناسی پێشبینی كردوە ئاسمانی شارەكانی باشوری كوردستان هەورو نیمچە هەور بێت لەگەڵ ئەگەری نمەباران لەكات و شوێنی جیاجیادا.
