داڕمانی دیواری سورو کۆتایی کۆربین
  2019-12-15       1353       

بڕوا بەرزنجی



"ئەمڕۆ دیواری سوری لەیبەر داڕما". ئەمە لێدوانی پەڕلەمانتارێکی پارتی پارێزگارانی بەریتانیایە. کە حزبەکەی لە کۆتایی هەشتاکانی سەدەی ڕابردوەوە و بە دیاری کراوی لە سەردەمی مارگرێت تاچەرەوە، بردنەوەی وای بەخۆیەوە نەبینیوە.

هێندەیی گەورەیی بردنەوەکەی پارێزگاران، پارتی کرێکارانیش بەو ئەندازەیە دۆڕان .
جێرمی کۆربین، کە سەرۆکایەتی پارتی کرێکاران دەکات، زیاتر لە دۆڕانی پارتەکەیی و لە دەستدانی ٥۹ کورسی، باسی کۆتایی خۆیی و مردنی کۆربینیزم دەکرێت.
ئەوەی وایکردوە پۆترەیتی ئەم پیاوە ڕیش سپی دارە گەورەبێت، بەهاو ئایدیا چەپ و ڕادیکاڵانەکەیەتی کە لە تەواویی تەمەنی سیاسیدا، پۆترەیتەکەی ڕەنگ دەکەن. 
ئەگەر لە مێژویی نوێی بەریتانیادا، چەرچڵ هێمای پاڵەوانێتی بێت لە پێناو نیشتیمان و شکستهێنان بە نازییەت و هیتلەر، مارگرێت تاچەری یەکەم ژنە سەرۆک وەزیران، هێمای دەوڵەتداری و ڕەفاهییەت و ئابورییەکی بەهێزبێت بۆ وڵات، ئەوا کۆربین بێئەوەی ببێت بە سەرۆک، باوەڕیی نەگۆڕ و ڕادیکاڵانەی بەها ئینسانی و ئازادی و یەکسانی و دادوەرییەکان، دەیکاتە "ئایکۆنێکی ئەخلاقی" لە مێژویی نوێی بەریتانیادا.
هەرچەندە خۆی ڕەتیدەکاتەوە شتێک هەبێت بەناوی کۆربینیزم، بڕوای بەبونی سۆشیالیزم هەیە، بەڵام هەربەڕاستی کۆربینیزم هەیەو دنیابینییەکی ڕادیکاڵانەو کۆمەڵێک بەهای ئینسانی و عەدالەتخوازانەنن، لە سەردەمێکدا سیاسەت لە بێبەهایی خۆیدادەژی.
ئەم دۆڕانە، دۆڕانی مانیفێستۆی سۆشیالیزم و  فرەڕەنگی و کرانەوەبو، لەبەرامبەر مانیفێستۆی پۆپۆلیزم و ترسان لە بیانی(xenophobia(, کە پۆپۆلیستێکی وەک  بۆریس جۆنسەن، خاوەندارێتیدەکات. پیاوێک لە ڕەنگ  و دەنگی ترەمپ.!
ڕاستییەکە تاڵەکە ئەوەیە،ئەم دۆڕانە کۆتایی بە ژیانی سیاسی کۆربینی تەمەن ۷٠ ساڵ هێنا. کەوەک خۆیوتی بۆ هەڵبژاردنی داهاتو سەرۆکایەتی پارتەکەی ناکات. 
بەڵام کۆربینیزم زووە لەبارەی مردنییەوە قسەبکرێت.!
هۆکارەکانی دۆڕانی کۆربین و پارتەکەی زۆرن کە باسدەکرێن، بەڵام دەتوانین جەوهەری ئەو هۆکارانەی زیاتر حەقیقەتیان تێدایە، لە دو هۆکارادا کۆبکەینەوە، کە ئەو دو خاڵەیش دو دیوی دراوەکەن:
۱: برێگست کە داوای زۆرینەیەو کۆربین  نە لەگەڵی بو بەڕونی، نەدژی، واتە ناڕون بون لەگەڵ ئەم داوەیە کەبوە بە داویەکی جەماوەری. کۆربین خۆی دژی یەکێتی ئەوروپایە و لە دورمەوداداو بەڕێگەی گونجاوتر لەگەڵ هاتنەدەرەوەیە. کە ئەوەیش بۆخۆی بابەتێکی قوڵترەو پەیوەندی بەتێگەیشتنی کۆربین و هەندێکیتر لە چەپەکانە، ئەم چەپە ڕادیکاڵانە، یەکێتی ئەوروپا وەک کۆڕبەندێک بۆ ئابورییەکی نیولیبراڵ و کۆمپانیا گەورەکان سەیردەکەن. بەهەرحاڵ ئەوەی ڕویدا بەرییەککەوتنی فەلسەفەی سیاسی کۆربینیزم بو، لەگەڵ برێگست کە داوای زۆرینەبو. ئەم زۆرینەیە چۆتە ناو کۆمێنێتی هیندی و پاکستانی، کە پێشتر زۆرینە دەنگدەری کرێکاران بون. ئەم دو کۆمێنێتییە کە بە پلەی سێهەم و پێنجەم  دێن،  لەڕێزبەندی کۆمێنتی و پێکهێنەرەکانی کۆمەڵگەی بەریتانی. 
چونکە هاتنی چەندان ملیۆن  ئەوروپی، کە ئیشکەر و ئیشزان بون، زەرەری لەواندا. بۆئەمەیش  دەتوانین سەیری نەخشەی ئەنجامی هەڵبژاردنەکە بکەین بەپێی  ناوچە و بازنەکان.
۲: باڵادەستی کەش و هەوایەکی سیاسی لە شوێنە جیاوازەکانی دنیادا، کە ڕەنگکراوە بەڕەنگی پۆپۆلیزم، واتە گوتاری سیاسی ستارتیژی نییە، بەڵکو تاکتیکییەو فریودانی هەستو سۆزی  زۆرینەیە. ئەمەیش کەش و هەوایەکی سیاسی تەواو لەبارە بۆ بۆریس جۆنسن، کە خۆی ڕۆژنامەنوس بوەو باش دەزانێت چۆن عەقڵ و بەهالەبیربکەیت و هەست و سۆزی جەماوەر بدوێنیت. 
"جەماوەر بونەوەرێکی نابیرکەرەوەیە"بەقەولی سۆسیۆلۆگێکی  وەک گۆستاف لۆبۆن.
لەمەیشدا میدیا پشتیوانێکی گەورە بو، چونکە پشتی میدیایش، کۆمپانیاو دەسەڵاتە ئابوریی وسیاسییەکانە، لەگەڵ سایکۆلۆژیایی جەماوەر.
واتە   جۆنسن و میدیا خاڵی هاوبەشیان زۆرە. بەڵام تەواوی ئەم ژینگەیە  دژی فەلسەفەی سیاسی کۆربینە. کە لەسەر  کۆمەڵێک بەهای  هیومانیتی و ڕادیکاڵانە بونیادنراو . کە عەدالەت و بەرگریکردن لە چینەکانی خوارەوەو کرانەوە بەڕوی جیاوازییەکاندا.

زۆرترین بینراو
© 2018 Awene Online, Inc. All Rights Reserved.
×