فازڵ میرانی، سكرتێری مەكتەبی سیاسی پارتی دیموركاتی كوردستان كەركوك بە ئاسانی لەدەست چو، بەڵام بە ئاسانی نایەتەوە.
ئاوێنە: فازڵ میرانی، سكرتێری مەكتەبی سیاسی پارتی دیموكراتی كوردستان رایگەیاند حزبەكەی لەگەڵ ئەوەدایە لایەنەكان زو بگەنە رێككەوتن بۆ پێكهێنانی كابینەی نۆیەمی حكومەتی هەرێمی كوردستان، پێشی وایە كەركوك بە ئاسانی لەدەست چوە‌و بە ئاسانیش نایەتەوە.
هەرچەندە یەكێتی نیشتمانی كوردستان‌و پارتی دیموكراتی كوردستان رەشنوسی وەرەقەی رێككەوتنی نێوانیان ئامادەكردوە، بەڵام گومان دەكرێت لەسەر شوێنی كۆبونەوەی ئەنجومەنی پارێزگای كەركوك‌و دیاریكردنی كاندیدی یەكێتی پۆ پۆستی پارێزگاری شارەكە گرفت بۆ رێككەوتنە سیاسییەكەیان دروست بێت، بەتایبەت كاتێك مەكتەبی سیاسی یەكێتی رایدەگەیەنێت كۆبونەوەی 18 ی شوباتی پەرلەمانی كوردستان بەندە بە ئیمزاكردنی رێككەوتنەكەی لەگەڵ پارتی.