جەنەرال جۆزێف ڤۆتێل، فەرماندەی فەرماندەیی ناوەندیی سوپای ئەمریكا رایگەیاند؛ داعش هێشتا جێی مەترسییەو ئەو هاوڕانییە لەگەڵ دۆناڵد ترامپ، سەرۆكی وڵاتەكەیدا لەبڕیاری كشانەوەی هێزەكانی ئەمریكا لەسوریا.

ئاوێنە: جەنەراڵ جۆزێف ڤۆتێل لەمیانی لێدوانێكدا بۆ كەناڵی سی ئێن ئێن-ی ئەمریكی رایگەیاند ئەگەر لەلایەن سەرۆكی وڵاتەكەیەوە راوێژی پێ بكرایە ئەوا لەئێستادا پێشنیاری ئەوەی نەدەكرد بڕیاری كشاندنەوەی هێزەكانی ئەمریكا لەسوریا بدات.

بەپێی قسەی جەنەراڵ جۆزێف ڤۆتێل هێشتا داعش رابەرو چەكدارو لایەنگرو یارمەتیدەر و سەرچاوەی هەیە، بۆیە بەبڕوای ئەو گوشاری سەربازی بەردەوام پێویستە بۆ روبەڕوبونەوەی ئەو گروپە.

وتیشی"ئەوەی دەمانەوێت ئەوەیە كە هاوبەشەكانمان بتوانن روبەڕوی داعش ببنەوە ئیدی هاوبەشەكانمان بن لە عێراق یاخود هێزەكانی سوریای دیموكرات."

هێمای بۆ ئەوەش كرد كە هێزەکانی سوریای دیموکرات (هەسەدە) بەبێ یارمەتی بەردەوامی ئەمەریکا لە توانیاندا نەدەبو ڕوبەڕووی داعش ببنەوە. جەختیشی کردەوە کە هێشتا هەسەدە پـێویستی بە تواناو یارمەتیـیەکانی سوپای ئەمەریکایە.

باسی لەوەش كرد كە هێشتا داعش توانای هەیە پلان بۆ هێرشی تیرۆریستی لەدژی لەدژی ئەمریكاو هاوپەیمانانی دابڕێژێت.

ئەوەش لەكاتێكدایە كە جەنەرال جۆزێف ڤۆتیل هەفتەی رابردودا لەمیانی وتەیەكدا لەبەردەم كۆنگرێسی ئەمریكا، رایگەیاند كە لەپرسی بڕیارەكەی سەرۆكی ئەمریكادا بۆ كشاندنەوەی هێزەكانیان لەسوریا راوێژی پێنەكراوە.