بزوتنەوەی گۆران‌و پارتی دیموكراتی كوردستان راگەیەنراوێكی هاوبەشیان لەسەر ئەنجامی كۆبونەوەی ئەمرۆیان كە تایبەت بوە بە پێكهێنانی كابینەی نۆیەمی حكومەتی هەرێمی كوردستان بڵاو كردەوە.

ئاوێنە: كەمێك پێش ئێستا بزوتنەوەی گۆران‌و پارتی دیموكراتی كوردستان راگەیەنراوێكی هاوبەشیان بڵاوكردەوە كە تێیدا هاتوە " رێككەوتنی سیاسیی نێوان پارتی‌و بزوتنەوەی گۆڕان پەسەند كرا، لە كۆبوونەوەكەی 18 ی 2 ی پەرلەمانی كوردستاندا فراكسیۆنی پارتی‌و فراكسیۆنی گۆڕان بەشدار دەبن".

ڕاگەیەنراوی كۆبوونەوەی هاوبەشی بزوتنەوەی گۆڕان‌ و پارتی دیموكراتی كوردستان:

ڕۆژی 16 /2 /2019 شاندی باڵای پارتی دیموكراتی كوردستان ‌و بزوتنەوەی گۆڕان لەشاری سلێمانی كۆبونەوە 

لەكەشو‌وهەوایەكی دۆستانەدا گفتوگۆیەكی ڕاشكاوانەی بەرپرسیارانەكرا،  پەیوەندی هەردولاو گفتوگۆی پێكهێنانی  كابینەی نۆیەمی حكومەتی هەرێم‌و رێككەوتنی سیاسی نێوان هەردولا خرایە ڕوو 
لەكۆبوونەوەكەدا هەردوو شاند، رێككەوتن لەسەر ئەم خاڵانە:
1 -  رێككەوتنی سیاسیی نێوان پارتی‌و بزوتنەوەی گۆڕان پەسەند كرا.
2- لە كۆبوونەوەكەی 18 ی 2 ی پەرلەمانی كوردستاندا فراكسیۆنی پارتی‌و فراكسیۆنی گۆڕان بەشدار دەبن.
3- لەسەر شێوازی پێكهێنانی حكومەت گەیشتوونەتە قۆناغی كۆتایی ‌و بەرەوپێشچوونی بەخۆیەوە بینیوە. 
4- پڕۆژەی ڕێككەوتن دەبرێتەوە بۆ سەركرادایەتیی هەدوولا بۆ پەسەندكردنی.