ئاگادارییەك بۆ ئەو ژنانەی شویان بە پیاوی بیانی كردوە
  2019-02-17       1716       

بەرێوەبەرایەتی گشتی رەگەزنامەی هەرێمی كوردستان ئاگادارییەك ئاراستەی ئەو ژنانە دەكات كە شویان بە پیاوی بیانی كردوە بەوەی پێویستە سەردانی بەرێوەبەرایەتییەكەیان بكەن.


ئاوێنە: ئەمرۆ "یەك شەممە" بەرێوەبەرایەتی گشتی رەگەزنامەی هەرێمی كوردستان رایدەگەیەنێت ئەو ژنانە دەكات كە شویان بە پیاوی بیانی كردوە و دەیانەوێت ناوی منداڵەكانیان  تۆمار بكەن ئەوا سەردانی بەرێوەبەرایەتییەكەیان بكەن‌و لەگەڵ خۆیاندا پێناسی باری شارستانی‌و رەگەزنامەی عێراقی دایكی منداڵەكە ببەن. 


ئەو پێویستیانەی پێویستە لەگەڵ خۆتان بیبەن:


1 - پێناسی باری شارستانی و ڕەگەزنامەی عێراقیی دایکی مندڵەکە.

2 - کارتی زانیاری بەناوی دایکەکەوە بێت.

3 - بەڵگەی بیانی و کارتی نشینگەی باوکی منداڵەکە.

4 - بەڵگەی ھاوسەرێتی، بە زمانی عەرەبی.

5 - بەڵگەی لەدایکبوونی منداڵەکە بە زمانی عەرەبی.

6 - پێناسی باری شارستانی و ڕەگەزنامەی دایک و باوکی دایکی منداڵەکە، واتە (باپیر و داپیر)ی منداڵەکە.

7 - پشتگیری شوێنی نیشتەجێبوون (تاید سکن)، وێنەی دایکەکە و منداڵەکانی پێوە بێت، بە زمانی عەرەبی.

8 - وێنەی تۆماری ساڵی 1957ی دایکەکە و باپیر و داپیری منداڵەکە.


زۆرترین بینراو
© 2024 Awene Online, Inc. All Rights Reserved.
×