هۆشیار عه‌بدوڵا، ئه‌ندامی لیژنه‌ی دارایی له‌په‌رله‌مانی عێراق رایگه‌یاند به‌پێی یاسا ده‌بێت عێراق له‌مانگی یه‌كی ئه‌مساڵه‌وه‌ به‌شه‌ بودجه‌ی هه‌رێم بنێرێت به‌و وتایه‌ی جیاوازی نێوان 317 ملیاره‌كه‌ له‌گه‌ڵ پشكی هه‌رێمی بۆ مانگه‌كانی یه‌ك و دوی ئه‌مساڵ بنێرێت.

ئاوێنه‌: هۆشیار عه‌بدوڵا، ئه‌مڕۆ یه‌كشه‌ممه‌ له‌ڕاگه‌یه‌ندراوێكدا بڵاویكرده‌وه‌ بە گویرەی قانونی ئیدارەی مالی ژمارە ۹٥ ساڵی ۲٠٠٤ ی عیراق ، ساڵی دارایی لە یەکی یەکەوە دەست پێدەکات و لە کۆتایی مانگی ۱۲ کۆتایی دێت.

هێمای بۆ ئه‌وه‌ش كردوه‌"ئێستا کە بودجەی ساڵی ۲٠۱۹ پەسەندکراوە، بە پێی یاسا دەبێت عێراق لە مانگی یەکەوە بەشە بودجەی هەرێم بنێرێت واتا جیاوازی نێوان ۳۱۷ ملیارەکە لەگەڵ پشکی هەرێم بە گوێرەی یاسای بودجەی ۲٠۱۹ بۆ مانگەکانی یەک و دو بنێرێت."

رونیشیكردۆته‌وه‌"هەرێم 250 هەزار بەرمیلی رۆژانە نەوتی لەڕێگەی سۆمۆوە لەسەر ماڵە، بۆ ئەوەی بودجەی تەواو لە بەغداوە بنێردرێ، خۆ ئەگەر نەوتەکەش نەڕوات مانگانە دەبێت لە سەروی ٥٠٠ ملیارەوە بێت بۆ هەرێم."

وتوشیه‌تی"بەو پێیە بۆ مانگەکانی یەک و دوی ئەمساڵ بەغداد دەبێت سەرو ٤٠٠ ملیار دیناری تر بنێرێت و جێەجێکردنی ئەوەش بە گوێرەی یاسای بودجه‌ ئەرکی وەزیری داراییە دوای ئەوەی سەرۆک وەزیران رازی دەبێت."