2019-12-25 604
خۆپیشاندان لە دژی پەسەند كردنی یاسای هەڵبژاردنەكان، لە بەغدادی پایتەخت، دەستپێكردەوە و لە زیقار و ناسڕیە و بەسڕەش چەند بارەگایەكی حزبی سوتێنرا.
ئاوێنه: ژمارەیەك لە خۆپیشاندەران بە چەند سەعاتێك دوای پەسەند كردنی یاسایی هەڵبژاردنەكان، دژی پەسەند كردنی یاساكە لە گۆڕەپانی تەحریر لە بەغدادی پایتەخت كۆبوونەوە.
لە پارێزگای بەسڕە و ناسڕیە و زیقاریش، بە دروشمی ” گەورەترین كوتلە دەستی لە رژانی خوێنی عيراقییەكان هەیە” خۆپیشاندان دەستیپێكردەوە و بارەگاكانی (حزبی دەعوە و رێكخراوی بەدر و بنكەكانی عەسائیب ئەهلحەق)یش سوتێنران، رێگە سەرەكییەكانیش لەلایەن خۆپیشاندەرانەوە داخران.