كەناڵی "ئەلعەرەبیە حەدەس"، بڵاویكردەوە، بەرهەم ساڵح، سەرۆك
كۆماری عێراق دوای ئەوەی رەتیكردەوە ئەسعەد عیدانی، كاندیدی هاوپەیمانی بونیاد بۆ
پۆستی سەرۆك وەزیران رابسپێرێت، بەغدای بەرەو سلێمانی بەجێهێشت.
ئاوێنە: ئەمڕۆ پێنجشەممە بەرهەم ساڵح، سەرۆك كۆماری عێراق ئامادەیی خۆی دەربڕی
كە دەستلەكاركێشانەوەی خۆی بخاتە بەردەم ئەنجومەنی نوێنەران و هەروەها رەتیشیكردەوە
كە كاندیدی هاوپەیمانی بونیاد، ئەسعەد عیدانی بۆ سەرۆكایەتی حكومەتی داهاتو رابسپێرێت.
كەمێك لەمەوبەر كەناڵی "ئەلعەرەبیە حەدەس" لەهەواڵێكی بەپەلەدا
بڵاویكردەوە، پاش ئەوە بەرهەم ساڵح بەغدای بەرەو سلێمانی بەجێهێشتوە.