2019-12-28   442     
فەیسەڵ جبوری ئەفسەر لە پۆلیسی نەینەوا، رایگەیاندوە، ژمارەیەک چەکدار کە گومان دەکرێ سەر بە رێکخراوی تیرۆریستیی داعش بن، دەستڕێژی گوللـەیان لە دوو هاووڵاتیی سڤیل کرد لە قەزای حەزەڕ و دەستبەجێ دوو هاووڵاتییەکە کوژران.
ئاوێنه: فهیسهڵ جبوری ئاماژەی بەوەشکرد کە هێزە ئەمنییەکان تەرمی هەردوو هاووڵاتییە کوژراوەکەیان گواستەوە بۆ فەرمانگەی پزیشکی دادی لە ناوەندی قەزاکە.
بە وتەی ئەفسەرەکە، دوای رووداوەکە چەکدارەکان بەرەو شوێنێکی نادیار هەڵاتوون.
رۆژی ١٠کانوونی یەکەمی ساڵی ٢٠١٧، هێزە عێراقییەکان بە پاڵپشتی هاوپەیمانی نێودەوڵەتی دژ بە داعش و دوای سێ ساڵ لە شەڕێکی سەخت دژی رێکخراوی تیرۆریستی داعش تەواوی ئەو رووبەرەیان کۆنتڕۆڵکردەوە کە بە یەک لەسەر سێی خاکی عێراق هەژمار دەکرا کە داعش لە هاوینی ٢٠١٤ کۆنتڕۆڵی کردبوو.
وێڕای ئەوەى هێزەكانى عێراق داعشيان لە ناوچەكان دەركردووە و شارەكانيان ئازادكرد بەڵام شانە نووستووەکانی رێكخراوەكە تاكو ئێستا بەردەوامن لە سەر هێرشەكانيان لە گوندەوارەكانى پارێزگاكانى كەركووک، مووسڵ، سەڵاحەدين، ئەنبار.