ئەندامێکی جڤاتی نیشتیمانیی
بزوتنهوهی گۆڕان دوپاتی دەکاتەوە، رێککەوتنی گۆڕان و پارتی لە خزمەتی خەڵکدایە
و میکانیزمیش بۆ جێبەجێکردنی دانراوە کە تەنانەت بە جێبەجێکردنی بەشێکیان، هەرێمی
کوردستان دەچێتە قۆناغێکی باشتر لەئێستا، "بۆیە پێویستە پەلەبکرێت لە پێکهێنانی
کابینەی نوێ."
ئاوێنه: جەبار جەلال،
ئەندامی جڤاتی نیشتمانی بزوتنەوەی گۆڕان، بهمیدیای حزبهكهی راگهیاندوه کە
گۆڕان هەوڵی شەفافکردنی داهاتی هەرێم و هەڵگرتنی سیستمی پاشەکەوت و ئەنجامدانی
چاکسازیی ریشەیی دەدات و لەو سۆنگەیەشەوە رێککەوتنی سیاسی لەگەڵ پارتی دیموکراتی
کوردستان ئەنجامداوە.
لە وەڵامی ئەو رەخنانەش
کە هەندێک لە رێککەوتنەکە و بزوتنەوەی گۆڕان دەگیرێن، جەبار جەلال وتی"ئێمە
دوژمنی پارتی نەبوین و خوێن لە نێوانماندا نەڕژاوە، گرنگ ئەوەیە هەموان پەندیان لە
رابردو وەرگرتبێت، ئێستاش کە رێککەوتنێک کراوە بۆ بەرەوپێشبردنی قەوارەی هەرێم و
بەرژەوەندیی خەڵکی کوردستانە چونکە تێیدا چارەسەرەکان و میکانیزمی جێبەجێکردنی
دانراوە و دەبێتە کارنامەی حکومەت و پەرلەمانیش پەسەندی دەکات."
وتیشی"(27) ساڵە لەم
هەرێمەدا کێشە کەڵەکە دەبێت، ئێستا ئەم رێککەوتنە کراوە بۆ چاکسازی و چارەسەرکردنی
ئەو کێشانە، بۆیە پێویستە پەلەبکرێت لە پێکهێنانی حکومەتی نوێ و راستەوخۆ دوای سوێندخواردنی
کابینەکە، هەنگاوەکانی چاکسازی دەستپێبکرێن."