2019-02-22 852
به‌هۆی هه‌وره بروسكه‌وه دو شوانى بەرەگەز عەرەب لەچیای خاڵخاڵان گیانیان له‌ده‌ستدا.
ئاوێنه: هاوکار عەلی، وتەبێژی به‌رێوه‌به‌رایه‌تی تەندروستی کۆیە رایگەیاند، ئەمڕۆ هەینی لەچیای خاڵخاڵان هەورە بروسە لەدو شوانی داوەو پێش گەیاندیان بەنەخۆشخانە گیانیان لەدەستداوە.
وتیشی، هەردو تەرمەکە لەنەخۆشخانەی شەهید دکتۆر خالیدەوە رەوانەی پزیشکی دادوەری کراون لەکۆیە.
رونیشیکردەوە كه هەردو كه‌سه‌كه بەرەگەز عەرەبن‌و لای کوردێک کاری شوانیان کردوە، یەکێکیان لەدایکبوی ساڵی 2008و ئەوی دیکەش لەدایکبوی ساڵی 1990یە.
هاوكات جگە لەگیانلەدەستدانی ئەو دو شوانە، ژمارەیەک سەر مەڕیش بەهۆی هەورە بروسکەکەوە مرداربونەتەوە.