2020-01-08 692
وەزارەتی دەرەوەی عێراق رایگەیاند، لە بۆردومانەکەی بەرەبەیانی ئەمڕۆدا موشەکەکانی ئێران ژمارەیەک بنکە و بارەگایان کردوەتە ئامانج کە هێزی عێراقی و ناعێراقیشی تێدابوە، لەسەر ئەو بابەتەش بانگهێشتی باڵیۆزی ئێران دەکات.
ئاوێنه: ئەحەمەد سەحاف وتەبێژی وەزارەتی دەرەوەی عێراق لە راگەیەنراوێکدا ئاماژەی بەوەشکردوە، ''عێراق وڵاتێکی سەربەخۆیە و ئارامی ناوخۆیی سەرەکیترین ئامانجمانە و رێگەش بە ململانێ و جێبەجێکردنی کاری دوژمنکارانە بەرامبەر وڵاتێکی دیکە یان زیانگەیاندن بە وڵاتێکی دراوسێ نادرێت''.
لەبارەی بۆردومانەکەش وەزارەتی بەگری ئەمریکا (پنتاگۆن) رایگەیاند، بەرەبەیانی ئەمڕۆ هێزەکانی ئێران زیاتر لە ١٢ موشەکیان ئاڕاستەی دو بنکەی هێزەکانیان لە رۆژئاوای عێراق کردوە و تارانیش ئەو هەنگاوەی بە ''تۆڵەکردنەوەی کوژرانی قاسم سولەیمانی'' ناوبرد.