2020-01-09 669
وەزارەتی بەرگریی عێراق رایگەیاند، لە ئەنجامی هێرشێکی چەکدارانی داعش چوار پاسەوانی سنووریی لە نزیک سنووری سووریا کوژران و برینداربوون
ئاوێنه: شانەی راگەیاندنی ئەمنی سەربە وەزارەتی بەرگریی لە راگەیەندراوێکدا ئاماژەی بەوەدا کە چەکدارانی داعش هێرشیانکردووەتە سەر فەوجی سێ سەربە لیوای پاسەوانی سنوور لە نزیک سنووری سووریا و بەپێی راگەیەندراوەکە لە ئاکامی هێرشەکەدا، دوو پاسەوانی سنوور کوژراون و دووی دیکەش برینداربوون.
شایەنی باسە لە راگەیەندراوەکەدا ئەوەیش خراوەتەڕوو کە هێزە ئەمنییەکان هەڵمەتێکی گەڕان و پشکنییان دەستپێکردووە بە ئامانجی دەستگیرکردنی ئەنجامدەرانی هێرشەکە.
سەرۆك وەزیرانی پێشووی عێراق، حەیدەر عەبادی لە كۆتایی ساڵی ٢٠١٧دا، سەركەوتنی بەسەر رێكخراوی داعش و دەرهێنانی سەرجەم ناوچەكانی ژێركۆنترۆڵی ئەو رێكخراوە راگەیاند، بەڵام هێشتا پاشماوەكانی داعش لە ناوچە جیاجیاكانی باكوور و رۆژئاوای عێراق خۆیان حەشارداوە و ناوە ناوە هێرش دەكەنە سەر هێزە ئەمنییەكان و خەڵكی مەدەنی.