عەلی شەمخانی، سكرتێری ئەنجومەنی باڵای ئاسایشی نەتەوەیی ئێران رایگەیاند؛ وڵاتەكەی
لەسەدا 90ی ئامانجەكانی لەسوریا بەدیهێناوەو هێرشەكانی ئیسرائیل بۆ سەر ئامانجە
ئێرانییەكان لەو وڵاتە كاریگەرییەكی ستراتیژیان نەبوە.
ئاوێنە: عەلی شەمخانی، لەمیانی چاوپێكەوتنێكدا لەگەڵ ئاژانسی تەسنیم-ی
ئێران كە ئەمڕۆ شەممە بڵاوكراوەتەوە رایگەیاند؛ ئێمە لەسوریا زیاتر لەسەدا 90ی
ئامانجەكانمان بەدیهێناوە، بۆیە هێرشەكانی ئیسرائیل كاریگەرییەكی ستراتیژییان
لەسەر بەجێهێنانی ئەركەكەنمان لەو وڵاتە نەبوە.
هێمای بۆ ئەوەش كردوە كە لەساڵی 2019دا شێوازی روبەڕوبونەوەمان لەگەڵ
هێرشەكانی ئیسرائیل دەگۆڕین.
عەلی شەمخانی بە ئاماژەدان بە بڕیاری كشانەوەی هێزەكانی ئەمریكا لەسوریا وتی"بەبڕوای
من ئەمریكا تا كۆتایی ساڵی 2019دا ناچارە لەچەند شوێنێكی دیكەی ناوچەكە بكشێتەوە."
لەبارەی ئەوەی تاچەند دەكرێت ئەمریكاو هاوپەیمانەكانی هەنگاوی سەربازی دژ
بە ئێران بگرنە بەر، وتی"ئەوان تەنها دەنگی هەڕەشەكانیان گەورەتر دەكەن.
ئەمەش شێوازی ترامپە. ترامپ ئەهلی شەڕ نییە و لەبری شەڕ هەڕەشە دەكات."