ئومێد خۆشناو: له‌نێوان ویژدان‌و گیرفان، ویژدانمان هه‌ڵبژارد
  2020-01-14       1008       
ئومێد خۆشناو
ئومێد خۆشناو، سه‌رۆكی‌ فراكسیۆنی‌ پارتی‌ له‌په‌رله‌مانی‌ كوردستان ده‌ڵێت، له‌میانه‌ی‌ گفتوگۆكردن له‌سه‌ر پرۆژه‌ یاسای‌ چاكسازیی، له‌نێوان ویژدان‌و گیرفان، ویژدانیان هه‌ڵبژاردووه‌.

ئاوێنه‌: ئومێد خۆشناو له‌ڕونكردنه‌وه‌یه‌كدا ڕایگه‌یاندووه‌، "له‌ماوه‌ی دو ڕۆژی گفتوگۆی چاکسازیی، خودای گه‌وره‌ ئه‌و باوه‌ڕه‌ی پێداین که‌، له‌نێوان ویژدان‌و گیرفان ویژدانمان هه‌ڵبژارد."

ئاماژه‌بۆ ئه‌وه‌ش ده‌كات كه‌ ئه‌وه‌ی له‌توانابو به‌رژه‌وه‌ندی گشتی‌و ئامانجی پارتی‌و دادپه‌روه‌رییان کردۆته‌ کردار.

ئومێد خۆشناو راشیگه‌یاندووه‌، "ئیلاهی هێزو ته‌مه‌نمان پێبده‌، تا له‌ ژین و ژیانین، دژی پیسخۆر و گه‌نده‌ڵ و به‌رژه‌وه‌ند خوازان بوه‌ستینه‌وه‌و ئازایانه‌ له‌سه‌ر ڕێ و ڕێبازی بارزانی کاربکه‌ین و کوردستان ویست و خه‌ڵک و خاک ویست بین و به‌رژه‌وه‌ندخواز نه‌بین و ستراتیژیه‌تی سه‌رۆک و ئامانجی پارتی به‌رجه‌سته‌ بکه‌ین."

ماوه‌ی‌ دو رۆژه‌ په‌رله‌مانی‌ كوردستان گفتوگۆو تاوتوێی‌ پرۆژه‌ یاسای‌ چاكسازیی له‌موچه‌ی‌ خانه‌نشینیدا ده‌كات‌و بریاره‌ رۆژی‌ پێنجشه‌ممه‌ی‌ داهاتو پرۆژه‌كه‌ بخرێته‌ ده‌نگدانه‌وه‌و په‌سه‌ندبكرێت.

زۆرترین بینراو
© 2018 Awene Online, Inc. All Rights Reserved.
×