روسیا لە تێکهەڵچونی نێوان ئێران و ئەمریکا بێ‌ لایەنە
  2020-01-14       667       
سێرگئی لاڤرۆف، وەزیری دەرەوەی رووسیا رایگەیاند، ''وڵاتەکەی لە تێکهەڵچوونەکانی نێوان ئێران و ئەمریکا بێ‌لایەن دەمێنێتەوە، بەڵام داوای کرد ئەم دوو وڵاتە کێشەکانیان بە رێگەی ئاشتیانەدا چارەسەر بکەن''.

ئاوێنه‌: ئاژانسی هەواڵی سپۆتنیکی رووسیا لە زمان وەزیری دەرەوەی ئەم وڵاتە بڵاوی‌کردەوە، رووسیا بە شێوەی کردەکی خۆی ناخاتە نێو پێوەندییەکانی نێوان ئێران و ئەمریکاوە.

ئەم لێدوانەی وەزیری دەرەوەی رووسیا لە کاتێکدایە کە لەماوەی هەفتەی رابردوودا گرژییەکانی نێوان ئێران و ئەمریکا لە مێژووی خۆیدا گەیشتووەتە ئەوپەڕی خۆی.

دوای ئەوەی  ئەمریکا لە هێرشێکی ئاسمانیدا قاسم سولەیمانی فەرماندەی لەشکری قودسی سوپای پاسداران و ئەبومەهدی موهەندسی جێگری سەرۆکی حەشدی شەعبی و چەند کەسێکی دیکەی بەیەکەوە کوشت و دوای ئەمە ئێران چەند بنکەیەکی سەر بە ئەمریکای لە عێراق و هەرێمی کوردستان دایە بەر مووشەک، بەڵام ئەم هێرشە مووشەکییە هیچ کوژراو و برینداری لێنەکەوتەوە.

 
زۆرترین بینراو
© 2024 Awene Online, Inc. All Rights Reserved.
×