له‌ ئێران چه‌ند كه‌سێك به‌تۆمه‌تی په‌یوه‌ندیداربوون به‌ خستنەخواره‌وه‌ی فڕۆكه‌ دەستبەسەرکران
  2020-01-14       281       

غوڵام حسێن ئیسماعیلی، وته‌بێژی ده‌سه‌ڵاتی دادوه‌ری ئێران رایگەیاند، ''به‌تۆمه‌تی په‌یوه‌ندیداربوون به‌ رووداوی خستنەخواره‌وه‌ی فڕۆكه‌ ئۆكراینییه‌كه‌وه‌ چه‌ند كه‌سێك ده‌ستبه‌سه‌ركراون''.

ئاوێنه‌: وته‌بێژی ده‌سه‌ڵاتی دادوه‌ری ئێران له‌ باره‌ی لێكۆڵینه‌وه‌كان له‌ رووداوی ئه‌و فڕۆكه‌ ئۆكراینییه‌ی رۆژی هه‌شتی ئه‌م مانگه‌ خرایەخواره‌وه‌، كۆنگره‌یه‌كی رۆژنامه‌وانی ساز كرد و ئه‌وه‌ی ئاشكرا كرد كه‌ سندوقی ره‌شی فڕۆكه‌كه‌ نێردراوه‌ بۆ فه‌ڕه‌نسا.

غوڵام حسێن ئیسماعیلی راشیگه‌یاند کە ماوه‌ی 72 كاتژمێر به‌سه‌ر ده‌ستپێكی لێكۆڵینه‌وه‌كاندا تێپه‌ڕیووه‌ و له‌و چوارچێوه‌یه‌دا چه‌ند كه‌سێك ده‌ستبه‌سه‌ركراون.

وته‌بێژی ده‌سه‌ڵاتی دادوه‌ری ئێران، غوڵام حسێن ئیسماعیلی له‌باره‌ی پرسی ده‌ستبه‌سه‌ركردنی باڵیۆزی به‌ڕیتانیا له‌ تاران دوا و وتی، ''به‌شداریكردنی باڵیۆزی به‌ڕیتانیا له‌ خۆپیشاندانه‌كاندا و وێنه‌گرتنی به‌هیچ شێوه‌یه‌ك مایه‌ی قبوڵکردن نییه‌''.

ئیسماعیلی ئاماژه‌ی به‌وه‌یشدا كه‌ له‌ یاسا نێوده‌وڵه‌تییه‌كاندا ئه‌م جۆره‌ كه‌سانه‌ به‌ ''كه‌سانی نه‌خوازراو'' ناوده‌برێن و گه‌لی ئێران چاوه‌ڕوانه باڵیۆزه‌كه‌ی به‌ڕیتانیا دەربکرێت.
زۆرترین بینراو
© 2018 Awene Online, Inc. All Rights Reserved.
×