ئاوێنە. وارهێل نێروەی: پشتی گەنجەكێ دهوكێ لاپەرەك ل تورا ئینیستگرامی دروست كری و وێنەیێن كچان دگەل نڤیسین بێ بنەما و ناڤ زراندن ئەنجام دای ژلایی پولیسان ڤە دهێتە دەستەسەر كرن بۆ دادگەهێ هاتە رەوانەكرن.
هێمن سلێمان، بەرپرسێ راگەهاندنا پولیسێن پارێزگەها دهوكێ بۆ ئاوێنە راگەهاند: ل سەنتەرێ پارێزگەها دهوكێ گەنجەكێ شارەزایێ خوە د بوارێ سوشیال میدیا بكار دئینا، ئەو ژی لاپەرەكێ ل تورا ئینستگرامی دروست كریە و وێنەیێن هژمارەكا كچان تێدا بەلاڤ دكرن. گوتنێن بێ بنەما و ناڤزراندن لسەر وان كچا كریە.
ئاشكرا ژی كر: پشتی كو هاتینە ئاگەهدار كرن پولیسێن بنگەهێ خەبات دیفچوونا ڤی تومەتباری كری و زالگەهێن وان شیان ڤی گەنجی دەستەسەر بكەن، و دهێتە رەوانەكرن بۆ دادگەهێ ل گورەیی یاسایی دهێتە سزادان.ٍ
پشتی ڤەكولین دگەل هاتیە كرن ڤی تومەتباری دانپێدان ب تاوانا خوە كریە، وی تومەتباری ئاماژە كریە كو ئامانجا وی تنێ بۆ دەستڤە ئینان لایك و فلووەریێن ئینیستگرامێ زێدە بكەت.
