2020-01-15   808     
پشتی چەندین قوتابیان خواندنا خوە یا ئامادەیی (ئەزمونێن ویزاری) ل چاكسازیا زركا یا مەزنان ب پلەیەكا باش دوماهیی دئینن، هەماهەنگی دگەل وەزاەرتا خواندنا بلند ل بەشێن جودا جودا ل زانكویی هاتینە وەرگرتن.
ئاوێنە، وارهێل نێروەی: بەرپرسێ راگەهاندنا چاكسازیا مەزنان ل پارێزگەها دهوكێ، عرفان محەمەد ئەمین بۆ ئاوێنە راگەهاند: د ناڤا چاكسازیا مەزنا قوتابخانە هەیە و 75 قوتابی ژ قوناغا بنەرەتی و ئامادەیی دەست بخواندنێ كریە، ماموستایێن وانەبێژ ل چاكسازیێ سەر ب پەروەردا رۆژئاڤا یا پارێزگەها دهوكێ وانەیان دبێژنە قوتابیێن دادگەهـ كری.
گوت ژی: د سالا دەرباز بووی یا خواندنێ ژ سەرجەمێ وان قوتابیان 10 قوتابی ل پولا دوازدێ وێژەیی هەموو قوتابی دەرچووینە و پلەیێن باش بدەست خوڤە ئیناینە و هەر 10 قوتابی ل زانكویێ هاتینە وەرگرتن.
گوت ژی: هەمی پێدڤی و پێداویسیتێن خواندنێ بۆ قوتابی و ماموستایان هاتینە دابین كرن و هندەك قوتابی سیستەمێ خواندنا بلەز دخوینن.
ناڤهاتی گوت ژی: سێ ژ وان قوتابیان سزایێ دادگەهكرنا وان ب دوماهی هاتیە و هاتنە ئازاد كرن و ئەو قوتابیێن دی هەماهەنگی دگەل وەزارەتا خواندنا بلند بۆ دانانا ماموستایێن تایبەت بۆ قوتابێن چاكسازیی و ئەزمونێن خوە دناڤا چاكسازیێ ئەنجام بدەن.
عرفانی ئاماژە وێ چەندێ ژی دا: رێڤەبەریا چاكسازیێ خولێن بهێزكرنا بۆ قوتابیێن دادگەهكری پولا (10 و 11 )ئامادەیی دەرەكی ڤەدكەت بۆ زمانێن (ئینگلیزی و كوردی و عەرەبی) هەروەسا خولێن ( پیتێن لاتینی – كومپوتەر و نەخوێندەواری دهێنە ڤەكرن و دوماهیێ خولێ ژی سەركەفتی دهێنە خەڵات كرن.
لدوماهیێ ژی گوت: سەرەرای وێ چەندێ پەرتوكخانەكا مەزن دناڤا چاكسازیێ دا هەیە.بەردەوام پێشانگەهێن پەرتوكا دناڤا چاكسازیێ دا دهێنە ڤەكرن و پێش حەفتیەكێ پێشانگەهەك زێدەتر ژ 100 ناڤ و نیشانێن جوراوجور پەرتوكا هاتبوو ڤەكرن، و ئامانج ژ ڤێ چەندێ ئەوە كەسێن دناڤا چاكسازیێ دا ئاستێ رەوشەنبیریا وان بلند بیت و دەمێن وان ب مفا دەرباز ببیت.