بەڕێوەبەری
ئاسایشی زاخۆ رایگەیاند، پاشنیوەڕۆی ئەمڕۆ پێنجشەممە، كەسێك لەناو زاخۆ تەقەی لە
ماڵی خۆیان كردوەو لە ئەنجامدا برایەك و دایكی خۆی كوشتوەو لەئاكامی
روبەڕوبونەوەشی لەگەڵ هێزە ئەمنییەكان پۆلیسێكی برینداركردوە بەڵام دواتر توانراوە
خۆی بە برینداری دەستگیربكرێت.
ئاوێنە: شڤان
سندی، بەڕێوەبەری ئاسایشی زاخۆ لە لێدوانێكی رۆژنامەوانیدا رایگەیاند، سەعات 3:30
خولەكی پاشنیوەڕۆی ئەمڕۆ لە گەڕەكی "حسێنییە"ی زاخۆ، گەنجێك بە چەكی
كڵاشینكۆف تەقەی لەماڵی خۆیان كردوەو لە ئەنجامدا دایك و برایەكی خۆی كوشتوە.
هێمای بۆ ئەوەش
كردوە كە كاتێك ئاسایش و پۆلیسی زاخۆ چونەتە شوێنی روداوەكە بەمەبەستی
كۆنترۆڵكردنی دۆخەكە، ئەو گەنجە بە هەڕەمەكی تەقەی لە هێزە ئەمنییەكان كردوەو
لەئەنجامدا دو فیشەك بەر پۆلیسێك كەوتون و برینداربوە.
بەپێی قسەی
بەڕێوەبەری ئاسایشی زاخۆ، دواتر هێزە ئەمنییەكان توانیاویانە ئەو گەنجە بە
برینداری دەستگیربكەن و ئێستا گوازراوەتەوە بۆ نەخۆشخانەی زاخۆ بەمەبەستی
چارەسەركردن.
ئەوەشی خستۆتەڕو
كە دۆخەكە كۆنترۆڵ كراوەو ئەگەری هەیە ئەو كەسەی تەقەكانی كردوە "نەخۆشی
دەرونی هەبێت."