2020-01-17   659     
رێڤەبەریا هاتن و چوونا پارێزگەها دهوكێ ئێدی دێ كار ب بریارا رەشكرنا جامان ل پارێزگەها دهوكێ هێتە كرن ل گورەیی چەند مەرجا و رەشكرنا جاما دێ رێژەیی بیت ژ 30% هەتا 50% بیت.
ئاوێنە، وارهێل نێروەی: موقەدمی مافپەروەر "ئازاد تەها" بەرپرسێ راگەهاندنا هاتن و چوونا پارێزگەها دهوكێ بۆ "ئاوێنە" راگەهاند: ل گورەیی بریارا وەزارەتا نافخۆیا حكومەتا هەرێما كوردستانێ دێ كار ب بریارا رەشكرنا جامێن ترومبێلان هێتە كرن، ل گورەیی چەند مەرجان و پێدڤیە ئەو كەسێ جامێن ترومبێلا خوە رەش بكەت، پابەندی مەرجێن وەزارەتا نافخو بیت و مەرج ژی بڤی رەنگێ یە.
1.پێدڤیە هاولاتی داخوازیەكێ پێشكێشی رێڤەبەریا هاتن و چوونا پارێزگەها دهوكێ بكەت.
2.دڤێت ژمارا ترومبێلێ ژمارا دهوك بیت.
3.رەزامەندی بتنێ دێ بۆ ئێك سال بیت.
4.نابیت رێژا جاما سینگی یا شوفێری دگەل یا سەرنشینی ژ 30% زێدەتر بیت.
5.رسموماتێن دەست نیشانكری بۆ رێژا جام رەشكرنێ 30% بۆ هەر دوو جامێن پشتی ب 400 هزار دینار بۆ ئێك سال بیت.
6.رسوماتێن دەست نیشان كری بۆ رێژا جام رەشكرنێ 30% بۆ هەر چوار جام 600% هزار دینار بۆ ئێك سال بیت.
7.رسوماتێن دەست نیشان كری بۆ رێژا جام رەشكرنێ 50% بۆ ئێك سال دێ 800 هزار دینار دهێنە وەرگرتن.
8.رسوماتێن ترومبێلێكومپانیا دێ ب رێژا 50% بیت دێ ب كوژمێ ئێك ملیون و 200 هزار دینار دهێنە وەرگرتن.