2020-01-18 1705
بەهۆی بەستنی پێوەری زیرەك سبەی دانیشتوانی گەڕەكی (فەرمانبەران و هەواری شار) كارەبایان نابێت.
ئاوێنه: لەڕاگەیەندراوێكدا بەرێوەبەرایەتی گشتی كارەبای سلێمانی رایگەیاند، دانیشتوانی گەڕەكی (فەرمانبەران) ئەو ماڵانە دەكەونە سەر فیدەری (383) و هەروەها گەڕەكی (هەواری شار ) ئەو ماڵانەی دەكەونە سەر فیدەری (386) بەهۆی ئەوەی ئەمڕۆ نەتوانرا كار لەبەستنی پێوەر لەسەر ئەو دوو فیدەرە بكرێت، سبەی یەكشە‌ممە 19-1- 2020، پێوەری زیرەكی كارەبایان بۆ دەبەسترێت.
بۆیە لەسەعات ( 8 بەیانی بۆ 4 ئێوارە) كارەبای نیشتمانی و موەلیدەیان نابێت، واتە موەلیدەی ئەهلی سەر ئەو فیدەرە نابێت كار بكەن، ئەوەش لە پێناو سەلامەتی گیانی تیمەكانی كارەبا و هاوڵاتیان خۆیان.
هاوكات ئەوەشیان خستەڕوو، لەپێناو پاراستنی ئامێرەكارەباییەكان ئێوارە پێش لێدانەوەی كارەبا بۆ یەكەمجار هەموو ئامێرەكارەباییەكانیان بكوژێننەوە و دواتر لەدوای یەك هەڵیان بكەنەوە.