ته‌ندروستى دهوك: 99% نه‌خوشى ئه‌نفلونزای وه‌رزى هاتیه‌ كونترول كرن
  2020-01-19       214       

پشتێ 67 حاله‌تیێن گومانلیكرى یێن ئه‌نفلونزا وه‌رزێ ل دهۆكێ هاتینه‌ تۆماركرن و پشكنینن تاقیگه‌هێ بۆ وان هاتینه‌ كرن دیار بوو24  حاله‌ت ئه‌نفلونزایه‌ ژوانا ژى  3 حاله‌تان گیانێ خوه‌ ژ ده‌ست داینه‌ و ئێك  ژى خه‌لكێ دهوكێ ل هه‌ولێر گیانى خوه‌ ژده‌ستدایه‌.

ئاوێنه‌، وارهێل نێروه‌ى: د. سه‌كڤان حه‌سه‌ن، به‌رپرسێ ئێشین ڤه‌گر ل رێڤه‌به‌ریا خوه‌ پاراستنا ساخله‌میا دهۆكێ بۆ "ئاوێنه‌" دیاركر: ئه‌ڤ نه‌خوشیه‌ ئه‌نفلونزا وه‌رزى سالانه‌یه‌ ل هه‌موو جیهانێ هه‌یه‌، ئه‌ڤ جوره‌ بیت ساناهى دهێته‌ چاره‌سه‌ر كرن، لێ هنده‌ك حاله‌ت گه‌له‌ك دژوار دبن پێدڤى ب چاڤدێریا نوشدارى هه‌یه‌ نێزیكى دوو حه‌فتیان چاره‌سه‌رى بۆ دهێته‌ دان.

گوت ژى: ئه‌و نه‌خوشین نوكه‌ ل دهوكێ هه‌ین پرانیا وان 99% هه‌مى هاتینه‌ كونترول كرن و ئه‌و كه‌سێن نه‌خوش ژى ره‌وشا ساخله‌میا وان باشه‌ بۆ مال هاتینه‌ ره‌وانه‌كرن.

ناڤهاتى گوت ژى: دوو جۆرێن ڤایرۆسى A  ێ نه‌ رێژا مرنێ ب ڤێ ڤایرۆسى ل هه‌موو دونیایى ره‌نگه‌ كه‌سه‌ك یان دوو كه‌س سه‌رجه‌مێ هزار كه‌سان گیانى خوه‌ ژده‌ست بده‌ن ئه‌و ژى كه‌سێن به‌رگیریا له‌شێ وان لاواز یان ته‌مه‌نێ وان مه‌زن یان زارۆكیێن ساڤا بن ده‌مێ تووشى ئه‌نفلونزا بن ئه‌ڤه‌ ره‌نگه‌ تووشى ئاریشین سینگ كولبوونى یان نه‌خۆشیا سلێ بۆ وان چێ بیت ئه‌ڤه‌ بیته‌ ئه‌گه‌رى تێكدانا ره‌وشا ساخله‌میا نه‌خوشى ئه‌گه‌رێن مه‌ترسیێ زێده‌تر لێ دهێت.

به‌رپرسێ ئێشین ڤه‌گر ل رێڤه‌به‌ریا كاروبارێن خوه‌ پاراستنا ساخله‌میا دهۆكێ ئاماژه‌ كر: هه‌ر حاله‌ته‌كێ دژوار هه‌كه‌ په‌یدا بیت ل نه‌خۆشخانێ دهێته‌ نڤاندن و په‌یوه‌ندى ب رێڤه‌به‌ریا خوه‌ پاراستنا ساخله‌میێ دهێته‌ كرن راسته‌خۆ كارێن پێدڤى ژ ده‌رمان وچاره‌سه‌رى بۆ دهێته‌ كرن.

ئاشكرا ژى كر: هه‌ر نه‌خوشه‌كێ نموونه‌ ژ دهێنه‌ وه‌رگرتن وهه‌موو پیرابوونیێن نۆشدارى دهێنه‌ وه‌رگرتن بۆ پاراستنا ژیانا وێ نه‌خۆشى وهنده‌ك ژ نه‌خۆشان ئاریشین دێ یێن ساخله‌میێ هه‌نه‌ هه‌كه‌ ره‌وشا كه‌سه‌كێ تیك بچیت ره‌نگه‌ نه‌بتنى ئه‌نفلونزا بیت به‌لكو ئاریشێن دێ یێن ساخله‌میێ بن .

ل دوماهیێ ژى گوت:  هه‌موو سالان ئه‌نفلونزا هه‌یه‌ هنده‌ك حاله‌ت دژواربن  ل نه‌خۆشخانێ دهێنه‌ نڤاندن وهنده‌ك ژى دژوار نابن لێ ب شیوه‌یه‌كێ گشتى ره‌وش ل دهۆكێ بن كونترول دایه‌ و ڤاكسین هه‌یه‌ و ده‌رمانى ژى دابینكریه‌ نه‌خۆشخانیێن دهۆكێ هه‌موو بكارێ خوه‌ رابن و خزمه‌تێ دكه‌ت.
زۆرترین بینراو
© 2018 Awene Online, Inc. All Rights Reserved.
×