بە ئامادەبونی لیژنەی
ئەوقاف و کاروباری ئایینی لە پەرلەمانی کوردستان، یەکێتیی زانایانی ئایینی ئیسلامی،
وەزارەتی ئەوقاف و کاروباری ئایینی لە حکومەتی هەرێمی کوردستان تیروپشک بۆ ئەو کەسانە
ئەنجامدرا کە ئەمساڵ بەنیازی بەجێگەیاندنی فەریزەی حەجن.
ئاوێنە: شێخ قاسم بەرزنجی، بەڕێوەبەری گشتی حەج
و عەمرە لە وەزارەتی ئەوقاف و کاروباری ئایینی لەكۆنگرەیەكی رۆژنامەوانیدا راگەیاند
''بۆ ئەمساڵ چوار هەزار و ٨٠٠ کەس سەفەری حەج دەکەن و نزیکەی سێ ھەزار ناویش وەک یەدەگ
رادەکێشرێت''.
وتیشی، لە کۆی زیاتر لە ٧٢ ھەزار فۆڕم کە لە ساڵی
٢٠١٧ پێشکەش کرابون، تیروپشک بۆ چوار هەزار و ٣٦٩ کەس ئەنجامدرا، ئەوەی دمێنێتەوە
لەو ٤٣١ کەسە ١٠٠ کەسیان دەدرێت بە وارسی شەھیدان، ١٠٤ کەسیش بۆ کۆمپانیاکان، ٢٥ کەسیش
دواخستنی ساڵی رابردوە و ئەوانی دیکەیش بۆ لیژنەکانە.
بەڕێوەبەری گشتی
حەج و عەمرە لە وەزارەتی ئەوقاف و کاروباری ئایینی وتیشی، ''ھەر ھاوڵاتییەک حەجی
کردبێت، بە هیچ شێوەیەک ئەمساڵ ناتوانێت حەج بکاتەوە، پڕۆسەی دواخستن بەھیچ شێوەیەک
نییە، بۆ ئەوەی ساڵێکی دیکە بڕوات، پڕۆسەکە تەنھا بۆ یەک ساڵە و لەوانەیە ساڵێکی دیکە
بەشێوەیەکی دیکە تیروپشکەکە ئەنجام بدرێت، پڕۆسەی تەنازولکردن لە چەند حاڵەتێکدا بونی
ھەیە ئەویش ئەگەر یەکێک کۆچی دوایی کردبێت لەم حاڵەتەشدا تەنھا باوک و دایک و ھاوسەرەکەی
دەتوانن بچنە شوێنی، ھەروەھا خوشک و برا بۆ یەکتر و کوڕ و کچ بۆ دایک و باوکیان."
وەزارەتی ئەوقاف و كاروباری ئایینی ناوی ئەو كەسانەی بڵاوكردەوە كە ناویان دەرچوە بۆ ئەنجامدانی فەریزەی حەجی ئەمساڵ.
لەم لینكانەی
خوارەوە كلیك بكە بۆ بینینی ناوەكان لەسەر ئاستی پارێزگاو ناوچەكان:
هەولێر
سلێمانی
دهۆك
هەڵەبجە
گەرمیان