سەروان هەركی، پەرلەمانتاری پارتی دیموكراتی كوردستان لە پەرلەمانی كوردستان لە داواكارییەكدا بۆ سەرۆكایەتی پەرلەمان موچەی خانەنشینی رەتدەكاتەوە.

ئاوێنە: لە داواكارییەكەیدا كە دوێنێ یەكشەممە ئاڕاستەی سەرۆكایەتی پەرلەمانی كوردستانی كردوە، ئەو پەرلەمانتارەی پارتی وتویەتی"من وەك ئەندامی خولی پێنجەمی پەرلەمانی كوردستان لە فراكسیۆنی پارتی دیموكراتی كوردستان، ئاگاداری بەڕێزتان دەكەوە كە موچەی خانەنشینی رەتدەكەمەوە."

هێمای بۆ ئەوەش كردوە كە ئەو كارە بە "ئەركێكی ویژدانی سەرشانی بەرامبەر بە پێشمەرگەو خانەوادەی سەربەرزی شەهیدان و دڵسۆزانی گەل و نیشتمان" دەزانێت.

بەپێی بڕگەی چوار لە ماددەی حەوتی یاسای چاكسازی لە خانەنشینی و موچەو دەرماڵەو ئیمتیازاتەكانی دیكە كە رۆژیی ئەم مانگە لە پەرلەمانی كوردستان پەسەندكرا، پەرلەمانتاران دەتوان موچەی خانەنشینی رەتبكەنەوەو خانەنشین نەبن.

تا ئێستا چوار پەرلەمانتاری نەوەی نوێ لەپەرلەمانی كوردستان موچەی خانەنشینیان رەتكردۆتەوە.