2020-01-21   1221     
ئەمڕۆ سێشەممە ٢١ی کانوونی دووەمی ٢٠٢٠، وەزارەتی ناوخۆی عێراق ئاشکرای کرد کە چەند کەسێکیان بە تۆمەتی ئەنجامدانی دزی دەستگیر کردووە.
ئاوێنە: لە بەیاننامەیەکدا وەزارەتی ناوخۆی عێراق ئاشکرای کرد کە ژمارەی تۆمەتبارەکان ٣ کەس بووە و بە تۆمەتی دزینی ٦٣ کیلۆگرام زێڕ دەسگیر کراون.
تیم و مەفرەزەکانی پۆلیسی بەغداد کە چواردەوری ناوچەی کازمییەیان کۆنترۆڵ کردبوو لە بەغدادی پایتەخت، توانییان لەماوە کەمتر لە ٤٨ کاتژمێر هەرسێ تۆمەتبار دەستگیر بکەن.
تۆمەتبارەکان دانیان بە تاوانی خۆیاندا ناوە و ئەو بڕە زێرەش کە بەهاکەی زیاد لە ٣ ملیۆن دۆلارە، لەلایەن پۆلیسی بەغدادەوە گەڕیندراوەتە دەست خاوەنەکەی.