وەزارەتی دەرەوەی عێراق ئیدانەی ئەو هێرشەی كرد كە ئیوارەی دوێنێ سێشەممە
بە موشەك كرایە سەر باڵیۆزخانەی ئەمریكا لە بەغدا لەناوچەی سەوز.
ئاوێنە: میدیا عێراقییەكان بڵاویانكردەوە، ئێوارەی دوێنێ دو موشەكی جۆری
كاتیۆشا لەنزیك باڵیۆزخانەی ئەمریكا لە ناوچەی سەوزی بەغدا كەوتونەتە خوارەوە.
ئەحمەد سەحاف،
وتەبێژی وەزارەتی دەرەوەی عێراق ئەمڕۆ چوارشەممە لەبەیاننامەیەكدا ئیدانەی ئەو
هێرشەی كردو رایگەیاند، لایەنە پەیوەندیدارەکان هەمو رێکارێک بۆ
ئاشکراکردنی ئەنجامدەرانی دەگرنەبەرو ئەوانەش
دەرێنە دادگا کە هۆکاری ئەو روداوە بون وتیشی "سوربونی خۆمان
لە پاراستن و رێزگرتن لە نوێنەرە دیبلۆماسیەکانی وڵاتان ڕادەگەیەنین و بەپێویستی دەزانین
توشی مەترسی نەبنەوە".
ئەم لێدوانەی وەزارەتی دەرەوەی عیراق لەکاتێکدایە كە پێشتریش عادل
عەبدولمەهدی، سەرۆك وەزیرانی كاربەڕێكەری عێراق ئیدانەی ئەو هێرشەی كردبو.