وەزارەتی دارایی و ئابوری هەرێمی كوردستان رایگەیاند، ئەمڕۆ چوارشەممە،
وەزارەتەكە دو رێنمایی دەركردوە كە یەكێكیان پەیوەستە بە گێڕانەوەی قەرزی ئاسانكاریی
بانكی.
ئاوێنە: بەڕێوەبەرایەتی راگەیاندن و پەیوەندییەكانی وەزارەتەكە لە
راگەیەندراوێكدا رایگەیاند، ئەمڕۆ چوارشەممە وەزارەتی دارایی و ئابوری هەرێمی
كوردستان بە رێنماییەك كێشەی خەرجكردنی كرێی وانەبێژی بۆ مامۆستایانی باخچەی
ساوایان چارەسەركرد.
بەڕێوەبەرایەتی راگەیاندن و پەیوەندییەكانی وەزارەتەكە لە راگەیەندراوێكی دیكەدا
هێمای بۆ ئەوە كردوە كە هەر ئەمڕۆ وەزارەتی دارایی و ئابوری رێنمایی پەیوەست بە
گێڕانەوەی قەرزی ئاسانكاریی بانكی دەركرد.
پێشتر بەڕێوەبەرایەتییەكە رایگەیاندبو، وەزیری دارایی و ئابوری هەرێمی
كوردستان لەماوەی دو رۆژی ڕابردودا، واژۆی لەسەر نوێكردنەوەی گرێبەستی سەرجەم فەرمانبەرانی
گرێبەست كردوە.