هاوپەیمانیی فەتح دژایەتیی خۆی بۆ دانانی دژەمووشەکی ئەمریکی لەسەر خاکی عێراق، راگەیاند.
ئاوێنه: کەریم علێوی، پەرلەمانتاری هاوپەیمانیی فەتح بە میدیاکانی وڵاتەکەی راگەیاندوە، بڕیاری دەرکردنی هێزە ئەمریکی و بیانییەکان بڕیاری پەرلەمانی عێراقە ''بە هەموو پێکهاتەکانییەوە''.
لەبارەی هەواڵی جێگیرکردنی سیستەمی دژەمووشەکیی پاتریۆتی ئەمریکی لەسەر خاکی عێراق، کەریم علێوی رایگەیاندووە، جێگیرکردنی ئەو سیستەمە ئەمریکییە سەروەریی عێراق پێشێڵ دەکات و عێراقییەکان رەتی دەکەنەوە.
تۆڕی ههواڵی فۆكس نیوز لهسهر زاری بهرپرسانی سهربازی ئەمەریکاوە رایگەیاند لەدوای هێرشهكهی ئێران بۆ سهر بنكه سهربازییهكانی ئهمریكا لهعێراق، وهزارهتی بهرگری (پنتاگۆن) بەنیازە سیستهمی بهرگری ئاسمانی (پاتریۆت ) لهعێراق دابنێت.
پەرلەمانی عێراق رۆژی یەکشەممە 5-1-2020، بەهۆی کوژرانی قاسم سولەیمانی و ئەبو مەهدی موهەندیس، بەبێ ئامادەبوونی نوێنەرانی کورد و سوننە، بڕیاری دەرکردنی هێزە بیانییەکانی لە عێراق، پەسەند کرد.
بەرەبەیانی رۆژی هەینی 3-1-2020، سوپای ئەمریکا لەڕێی فڕۆکەی بێفڕۆکەوانەوە، هەریەکە لە ئەبومەهدی موهەندیس، جێگری سەرۆکی دەستەی میلیشیاکانی حەشدی شەعبی و قاسم سولەیمانی، فەرماندەی سوپای قودسی سەر بە سوپای پاسدارانی ئێران و نۆ بەرپرس و چەکداری دیکەی حەشدی شەعبی، کوژران.