مەسعود بارزانی، سەرۆكی پارتی و نەجاح ئەلشەمەری، وەزیری بەرگری عێراق بە پێویستی دەزانن تێپەڕاندنی بابەتە ستراتیژییەكانی عێراق بەپێی تەوافوقی نیشتمانی بێت.
ئاوێنە: بەپێی راگەیەندراوێكی نوسینگەكەی، ئەمڕۆ شەممە ٢٥ـی ١ـی ٢٠٢٠ لە سەلاحەدین مەسعود بارزانی پێشوازی لە نەجاح ئەلشەمەری وەزیری بەرگریی عێراق كرد.
لە دیدارەكەدا بارودۆخی سیاسی و ئەمنی و دوا پێشهاتەكانی عێراق تاوتوێ كرا.
هەروەها هەردولا نیگەرانییەكانی خۆیان لە سەرهەڵدانەوەو بەهێزبونەوەی تیرۆر خستەڕو و بە پێویستیشیان زانی تێپەڕاندن و كاركردن لەسەر بابەتە گرنگ و ستراتیژییەكانی عێراق بەپێی تەوافوقی نیشتیمانی بێت.